saavan

saavan aayo…
ghumad-ghumad baadar chayo
saavan aayo…
kajrare kaare
berange badrange badar chayo
saavan aayo

dekh-dekh badara
man harshayo…
chahun dish hariyali chayo
nayi -nayi dubein ugti
nav kislay kopal pallav
dekh-dekh
sab harshit hote

chahun dish khushali chayo
saavan aayo
kahi savan sabke man ko harshata
to kisi ke nayano me
neer chalak jata
karti intjaar priyatam ka
savan man me agan laga jata
pichle baras jo savan tha manbhavan
wo ab bin pritam man me agan lagata

saavan aayo
ghumad-ghumad baadar chayo