chalte chalte

aaj phir chalte chalte
raaste me jindagi mujhse takra gayi....

palat ke jab dekha maine usko...
kahne lagi ab kyu gumsuda hai tu...
jab bhi milta hai...
jaane kin khayaloo me uljha rahata hai....
mujhe ab bhi yaad hai
teri wo aakhri mulakat
teri wo fariyaad...
tune hi kaha tha naa
bus aakhri baar poori kar de meri muraad..
nahi to ho jaounga mai barbaad....
maine tab bhi tujhse kaha tha...
ki kuch nahi badlega...
tu jab bhi milega
bus yun hi jindagi ke taane baane me
uljha sa rahega...
aaj phir jab mila to
wahi shikan hai
wahi aarjoo hai ...
ye duniyavi masle hai...
in me naa ulajh
jo jaise chal raha hai
use waise hi chalne de...
jara soch tere chahne aur karne se
jo kuch hota .....
to tu aaj yu na uljha uljha rahta...